النصيب ..حظ ؟ قدر ؟ قسمة ؟.. ام اختيار؟

كلمة وايد نسمعها
" الزواج قسمة و نصيب " و كل بهالدنيا ما ياخذ الا نصيبه

هل تتوقعون ان هالكلمة صح ولا خطأ ؟ و نشوف

في البداية ما هو النصيب ؟؟

هل هو حظ ؟ ...هل هو مقدر ؟ .. ام هل هو اختيار؟

لو وجهنا النظرعلى انه حظ فليس من العقل بان يكون ل شي في هذه الدنيا حظ

اذا انا ولدت اذا انا محظوظة ؟ في بعض الاحيان يكون الموت افضل من الحياة
اذا انا تزوجت هل انا محظوظة ؟ ففي بعض الاوقات يكون يكون الزوج اكبر الهموم
هل من الصدفة و الحظ اني درست و تعلمت و كبرت ؟ لا طبعا .. كل شي وارد عن تخطيط

كيف يكون للحظ دور فعال في اللعب بحياتنا ؟ أ هذا ما ننتظره ؟ ... الحظ ؟

أما بالنسبة للقدر

نحن كمسلمين يجب ان نؤمن بالقضاء و القدر .. نعم .. اؤيد ذلك

و لكن لو سلمنا كل شيء و قلنا هذا مقدر لي اذا اين موقفنا من الثواب و العقاب في الاخرة ؟

و عندما نقول هذا قدرنا اللهم لا اعتراض ... نعم .. اؤيد ذلك

و لكن هل يمكن بأن يكون الزواج هو القدر و المكتوب ؟ ... هل يمكن بأن يكون القدرما حددته انا بقولي له نعم بكامل قواي العقلية ؟

هل ممكن ان يكون النصيب هو اختيار ؟

برأيي ... نعم
و كذلك الزواج هو بالاختيار ...

فالعديد من الرجال يتقدمون الى الفتيات لطلب ايديهن ... و لا يتم الزواج لاسباب منها:عدم التوافق... عدم الرغبة و قبول الشخص المقابل

و العديد من العوامل المعارضة التي لا تسمح بان يكون لهذين الشخصين بينهما ارتباط يسمى الزواج ..

و لكن عندما ,,,

ترى شخص مناسبا لك ... ذو خلق ... صيت جيد ... و الاهم .. محب لك و يعرف ما بداخلك

هل تختار او تختارين شخص غيره على انه نصيب لك ؟ بمعنى هو مقدر لك او حظ ؟

النصيب هوالاختيار الصائب فقط لا غير ..

فليس للقسمة ارتباط بالنصيب و لا القدر و لا الحظ و انما يعود في الاول و الاخير ... للاختيار

اختيار الشخص المناسب .. هذا هو النصيب

اعمل خير و قطه بحر

بسم الله الرحمن الرحيم

مهما تسوي خير للناس .. ما يبين بعينهم .. و لا يتذكرون المعروف اللي قدمته لهم ولا يذكورنك بالخير

و على كثر ما تقدرهم بالمقابل شنو تحصل ؟ ,, ماميش ,, يا ريت بس ولا شي ,, يا ريت يخلونك بحالك

لا ,,, يظلون يتكلمون وراك بالشينة ,, لو كان الغريب اللي يسوي جذي ممكن نعذره , بس الغريب يحس على دمه لان راح يقدر ؛ اما الطامة الكبرى ,, ان تكون من اقرب الناس لك ,, من الاهل ,, ناس منك و فيك

بس شتسوي بالنهاية ؟ ,,, "الباب اللي اييك منه الريح ,, سده و استريح " ,

لان كل واحد يفسر تصرفات الناس على نيته

اذا كانت النية مو صافية شلون بيصفي النية معاك ؟

و الحل الاحسن انك تتفادى المشاكل مع هذي الاشكال من الناس عالاقل تكون مرتاح البال , مستانس , بعيد عن المشاكل,,

بس ,, مثل ما يقولون "اعمل خير و قطه بحر" ,, يعني انت سويت اللي عليك و قمت بالخير باهلك و هذا كله محسوب عند رب العالمين ,, و لا تنطر رجا من هالبشر,,, لان الزمار يموت و ايده تلعب ,, و اذا رديت و سويت الخير ما راح يبين بعينهم, و "الضرب بالميت حرام" ,,

انزيـــن ... و الحــــل ؟؟

بما انهم اهلك و ما تقدر تسوي اي شي لهم , لان " اللي مافيه خير باهله , ما فيه خير بالناس " و ما تقابل الاساءة بالاساءة , فالحل انك تسكت ,, اي تسكت و ما ترد ,, يمكن الناس تعتبر سكوتك ضعف ,, لكن السكوت بوجهة نظري قمة القوة , ليش ؟

لان الطبيعة الانسانية عدوانية بطبعها ؛؛ تذكروا معاي الانسان في عصر الغاب نشوفه يقتل , يذبح , اناني , ما يثق بالناس , عنده اللي جدامه عدو محتمل له , و تشوفه يتغدى فيك قبل ما تتعشا فيه ؛

لما يرمونك و يحوشك طشار ,, نزل راسك حتى ما يمسك بسوء ,,او وخر عنه عشان لا تتأثر و ابتعد عنه ؛ يعني لما انت تتغلب على الطبيعة الفطرية اللي بداخلك ,, اللي مستحيل ان الانسان يقاومها , تكون تغلبت على اقوى القوى

وما اطولها عليكم ... بالمختصر المفيد : " الحقران يقطع المصران",,

و شكرا